دنيـــا الســـــكااات.. (2)... أختار طريقك
أختار
طريقك
أوقات كتيرة
بننقسم
وبننكسر
وبننعصر
من غير اهات ... وسط العيون
بنترسم
ونبتسم
ونختصر
كل الساعات
بكلام يكون زى الحقيقي فى مظهره
واحساسه ماااااات
تدب خطوينا السريعه فى طريق غريب
نرجع ونسأل نفسنا
عن اللى فات... نطلب اشاره تدلنا
ونشوف علامة
تهزنا
وتجرنا
وتحطنا
بدنيا السكات
ودى دنيا كل شيء فيها مباح الا الكلام
فيها العلام والالتزام بس العلام
. بعمر او يمكن حيات
تدفع تمنها تشوف مصير دنيا السكات
تصبح حياتك ملزمه
بكل الاهات
دى غلطتك ... ولازم تكمل سكتك
اخترت تسكت للممات
اخترت تبعد عن اللى جاى واللى فات
اخترت تبئى فى وحدتك..
اخرج وغير سكتك
اصرخ وانطء بالحقيقه ... كل السكك
بتنتهى عند الممات
لكن بتفرق بالطريق
أختااااار طريقك
همــــسه
.jpg)
0 التعليقات:
إرسال تعليق