دخلت ادور ع الاميل عن حد عندى اكلمه
ده مش هنا..وده مستخبى مننا
ودى فاتحه كام...ودى عامله فيها امنا
فدخلت غرفة دردشه
ووقفت حبه مهيسه.....زحمة وناس وعيال كتير على الكلام متكربسه
دى عامله ميمى....وده واد خطير اسمه اسير
ودى بنت بيه.....والتانى ايه ..؟....من عيله يابا مريشه
والاصل الايه....حوارت كبيره بس الحقيقه....دى مفلسه
مكياج كتير فوق الخطوط...ونفوس مريضه..مسوسه
بعد السلام والابتسام... ومنين وفين ...ويله كام
اخرتها ايه....نقدر نكون اصحاب تمام.؟؟؟
نقدر نكمل بعضنا ...ونشوف عيوبنا وهمنا...؟
نقدر نعرف بعضنا بدون رتوش فى وصفنا..؟
نقدر ندور ع البعيد ويكون صديقنا ومننا
نعرف بلاد غير البلاد...ونشوف حاجات وامور كتير تهمنا
نقدرنقول كلام بجد...وعن قضايا تخصنا
نقدر نكون شباب تمام..... ولا الجوااب
أمشى يا بت من هنا...!!!!!!؟
بقلمــــــــــــــــــ
همــــسه
0 التعليقات:
إرسال تعليق